
那洛巴大师教言集NARO27སྒྱུ་ལུས་ང་རྒྱལ་རྡོ་རྗེའི་ཤོག་རིལ།
1-4-36b

༄༅། །སྒྱུ་ལུས་ང་རྒྱལ་རྡོ་རྗེའི་ཤོག་རིལ།
༄༅། །སྒྱུ་ལུས་ང་རྒྱལ་རྡོ་རྗེའི་ཤོག་རིལ་བཞུགས་སོ། །ཨུ་རྒྱན་གྱི་གདམས་
1-4-37a

པ་མཁའ་འགྲོ་མ་ཐམས་ཅད་ཀྱི་ཡང་སྙིང་། རྒྱུད་ཐམས་ཅད་ཀྱི་སྙིང་པོ་བསྡུས་པ། གསེར་ཞུན་དྲིལ་བ་ལྟ་བུའི་གདམས་ངག །དཔལ་ན་རོ་པ་ཆེན་པོའི་བཞེད་ཀྱིས། དུས་
སྦྱོར་འཐུན་སྤྱོད་བརྩི་བ་དང་། །འཐུན་སྡེབས་ལྟོ་ནང་སྦྱོར་བ་ཡི། །དམངས་ནི་འཕྲིན་ལས་འཐུན་སྦྱོར་གྱིས། །མན་ངག་འདི་ནས་གསལ་བར་སྟོན། །གསང་བའི་དབང་གི་དུས་དག་ཏུ། །མེ་ལོང་
དྲི་མ་མེད་པ་ལ། །རྡོ་རྗེ་སེམས་དཔའ་(དཔས་)ལེགས་བྲིས་ཏེ། །དེ་ཡི་གཟུགས་བརྙན་སྣང་དང་མཚུངས། །ཞེས་བྱ་བ་སྒྱུ་མའི་དཔེ་བཅུ་གཉིས་ཀྱིས་སྒོ་ནས་རྟོགས་པར་བྱའོ། །དེ་ཡང་སྒྱུ་ལུས་ཀྱི་མན་
ངག་བདག་བྱིན་གྱིས་བརླབས་པའི་རིམ་[རིམ་ལྔ་ལས། བདག་ལ་བྱིན་བརླབས་རིམས་ཐོབ་པ། །གཙོ་བོ་སངས་རྒྱས་ཀུན་བདག་ཉིད། །ཚེ་འདི་ཉིད་དུ་སངས་རྒྱས་ནི། །ཐེ་ཚོམ་མེད་པར་ཐོབ་པར་འགྱུར། །ཞེས་དང་། ཨརྱ་དེ་བས།
བསྐལ་པ་བྱེ་བ་མཐའ་ཡས་སུ། །ཐོས་པའི་ཕ་རོལ་སོན་གྱུར་ཀྱང་། །བདག་བྱིན་བརླབས་ལས་ཕྱིར་ཕྱོགས་པ། །དེ་ཡིས་དེ་ཉིད་མཐོང་མི་འགྱུར། །ཞེས་སོ། །]པ་འདི་ལ་དོན་བཞི་སྟེ། །ངོ་བོ་ངེས་ཚིག །དབྱེ་བ། རྣམ་གྲངས་
སོ། །སྒྱུ་མའི་ངོ་བོ་ནི། མེད་པ་ལ་བློ་བུར་དུ་སྒྲོ་བཏགས་ཏེ་མིང་དང་ཚིག་དང་ཐ་སྙད་དུ་བཟུང་སྟེ་དོན་དུ་སྣང་བའོ། །སྒྱུ་མའི་ངེས་ཚིག་ནི། གླང་པོ་ཆེའི་རུས་པ་དང་། རྔ་མོའི་སྤུ་དང་། ཤིང་བུ་དང་། 
1-4-37b

རྡེའུ་ལས་སྒྱུ་མའི་ཚོགས་སྤྲུལ་པ་དང་འདྲ་བར། ཕ་མའི་ཁུ་ཁྲག་ལུས་པ་ལས་རྣམ་པར་ཤེས་པའི་ཚོགས་སྒྱུ་མའི་ལུས་སུ་གྲུབ་པ་གསལ་བར་སྣང་ངོ་། །སྒྱུ་མའི་མཁན་པོས་སྒྱུ་མ་བཤིག་ཙམ་
ན་སྔར་གྱི་རྫས་སུ་འགྱུར་བ་བཞིན། རང་གི་ལུས་ཀྱི་རྐྱེན་ཅིག་གིས་ད་ལྟ་རང་དུ་ས་རྡོར་འགྲོ་སྟེ། བདག་གི་ལུས་སྒྱུ་མར་རྟོགས་པར་བྱའོ། །དབྱེ་ན་བཞི་ལས་སྤང་བྱ་སྒྱུ་མར་ལྟ་བ། བསྒྲུབ་བྱ་སྒྱུ་མར་ལྟ་
བ། བདག་དོན་སྒྱུ་མར་ལྟ་བ། གཞན་དོན་སྒྱུ་མར་ལྟ་བའོ། །སྤང་བྱ་སྒྱུ་མར་བལྟ་བ་ནི། རིགས་དྲུག་གི་སྡུག་བསྔལ་དགྲར་མཐོང་སྟེ་སྤང་བྱར་བཏགས་པ་ཡང་སྒྱུ་མ་དངོས་སུ་བལྟའོ། །བསྒྲུབ་བྱ་སྒྱུ་མར་
ལྟ་བ་ནི། མྱ་ངན་ལས་འདས་པའི་ལམ་ཞི་གནས་དང་ལྷག་མཐོང་དགའ་བདེས་ཡིད་གདུངས་པ་ཡང་སྒྱུ་མ་དངོས་སུ་བལྟའོ། །བདག་དོན་སྒྱུ་མར་བལྟ་བ་ནི། སེམས་ལ་དམིགས་པའི་མན་ངག་
ཆོས་ཀྱི་སྐུའི་བསྒྲུབ་བྱ་སངས་རྒྱས་ཀྱི་དགོངས་པ་ཡང་སྒྱུ་མ་དངོས་སུ་བལྟའོ། །གཞན་དོན་སྒྱུ་མར་བལྟ་བ་ནི། རྨི་ལམ་ན་ཆོས་བཤད་པས་རང་ཡང་མ་གྲུབ་གཞན་ཡང་མ་གྲུབ་པ་བཞིན། འཁོར་
འདས་ལ་རེ་དོགས་ཀྱི་བློ་དང་བྲལ་བའོ། །དབྱེ་བའི་སྐབས་སུ་སྒྱུ་མའི་རྣམ་གྲངས་ནི། སྣང་ཞིང་སྲིད་པའི་ཆོས་འདི་ཐམས་ཅད་བཅོས་[སྒྱུ་མ་མཁན་བཟང་པོས་ཞུས་པའི་མདོ་ལས། ལས་ཀྱི་སྤྲུལ་པའི་
1-4-38a

སྒྱུ་མ་ནི། འགྲོ་དྲུག་སེམས་ཅན་ཐམས་ཅད་དོ། །རྐྱེན་གྱི་འཕྲུལ་པའི་སྒྱུ་མ་ནི། །མེ་ལོང་གཟུགས་བརྙན་ལ་སོགས་སོ། །ཆོས་ཀྱི་སྤྲུལ་པའི་སྒྱུ་མ་ནི། །ངའི་འཁོར་གྱི་དགེ་སློང་ངོ་། །ང་ནི་ཡང་དག་རྫོགས་སངས་རྒྱས། །
ཡེ་ཤེས་སྤྲུལ་པའི་སྒྱུ་མའོ། །ཞེས་སོ། །]མར་འདུག་པས་སྒྱུ་མ་དང་སྤྲུལ་པ་ལྟ་བུ། རང་གི་རྣམ་པར་ཤེས་པའི་རང་བཞིན་དུ་འདུག་པས་རྨི་ལམ་དང་མིག་གི་སྐྱེས་བུ་ལྟ་བུ། སྣང་བ་དངོས་མེད་ལ་དངོས་པོར་བཟུང་
པའི་འཁྲུལ་པར་འདུག་པས། མིག་ཡོར་དང་ནམ་མཁའི་སྐྲ་ཤད་ལྟ་བུ། སྣང་ལ་རང་བཞིན་མེད་པར་འདུག་པས། མེ་ལོང་གི་གཟུགས་བརྙན་དང་ཆུ་ནང་གི་ཟླ་བ་ལྟ་བུ། གསལ་ལ་ངོས་བཟུང་མེད་
པར་འདུག་པས། ནམ་མཁའི་འཇའ་ཚོན་དང་སྲིན་བུ་མེ་ཁྱེར་ལྟ་བུ། ནམ་མཁའ་ལ་སྒྱུ་མར་འདུག་པས། སྨིག་སྒྱུ་(རྒྱུ་)དང་དྲི་ཟའི་གྲོང་ཁྱེར་ལྟ་བུ། རྐྱེན་ལས་སྐྱེ་བར་འདུག་པས་བྲག་ཆ་དང་སྐར་མ་རབ་རིབ་ལྟ་
བུ། མི་རྟག་པར་འདུག་པས་ཆུའི་ཆུ་སྦུར་དང་ན་བུན་ལྟ་བུར་རྟོགས་པར་བྱའོ། །དེ་རྣམས་རྒྱུ་རྐྱེན་རྟེན་འབྲེལ་གྱི་མན་ངག་གོ། །སྣང་བ་ཐམས་ཅད་མཉམ་བཞག་གི་དུས་སུ་རྨི་ལམ་དུ་སྣང་བ་བཞིན་དུ་ཐམས་
ཅད་ཀྱང་སྒྱུ་མའི་ཆུ་ཟླ་བཞིན་དུ་བྱས་ཤིང་བསྒོམ། དེ་བཞིན་བསྒོམས་པས་ཡེ་ཤེས་འཆར་རོ། །ཡང་གཉིད་སད་ནས་རྗེས་ཐོབ་ལ་འདི་ལྟར་བྱ་སྟེ། རང་ཐ་མལ་གྱི་ལུས་མེ་ལོང་དུ་གསལ་བ་དེ་མདུན་
1-4-38b

དུ་རང་ལ་སྟོན་ནས་ཡིད་ཀྱི་ཡུལ་དུ་ཤིན་དུ་(ཏུ་)གསལ་བར་བལྟ་ཞིང་བསྒོམ། དེ་གསལ་པོར་བསྟན་ཞིང་ཡོན་ཏན་བགྲང་ཞིང་བསྟོད་པར་བྱ་སྟེ། དེ་བཞིན་བྱས་པས་དེ་ལ་དགའ་བའི་སེམས་འབྱུང་སྟེ། སྒྱུ་
ལུས་ཡིན་པས་སོ། །སྐབས་སུ་དེ་ལ་རྔན་གྱི་བྱེ་བྲག་མང་པོ་བགྲང་ཏེ(སྟེ)། བགྲངས་ཀྱང་མི་དགའ་བ་མི་ཡོང་། དེ་ལྟར་ལན་མང་དུ་བསྒོམས་པས་ཤིན་དུ་(ཏུ་)བརྟན་ནས་སླར་དེ་རང་གི་ལུས་ལ་བཞུག་ཅིང་།
རང་ཉིད་སྒྱུ་མའི་ལུས་ལ་བསྟོད་ན་དགའ་བ་མེད། སྨད་ན་མི་དགའ་བ་མེད་པའི་ལུས་སུ་བསྒོམ། དེ་ལ་གསལ་དུ་མ་འདོད་ན། ཡང་མདུན་དུ་བསྒོམས་ལ་ལུས་ལ་ཡང་བཞུག་ཅིང་བསྒོམ་
མོ། །ངེས་པར་སྒྱུ་མའི་ཆུ་ཟླ་ལ་སོགས་པའི་ལུས་སུ་མཐོང་བར་འོང་ལ། རང་གི་མངོན་ཞེན་ལོག་ནས་སྣང་བ་ཐམས་ཅད་ཀྱི་ཞེན་པ་བཟློག་པ་ལ་ཚེགས་མེད་དེ། ཐམས་ཅད་ཀྱང་སྒྱུ་མའི་
རྣམ་པར་ལོང་ལོང་མཐོང་བར་འགྱུར་རོ། །ཐ་མལ་གྱི་སྣང་བ་ཐམས་ཅད་དུ་མི་འབྱུང་སྟེ། དེ་ལྟར་བྱུང་དུས་ན་རང་དང་སྣང་བ་ཐམས་ཅད་སྒྱུ་མར་གྲུབ་པས་ཇི་ལྟར་ཡང་བསྒྱུར་དུ་འདོད་དེ།
གཉིད་ཀྱི་དུས་དང་སད་པའི་དུས་དབྱེར་མེད་དུ་ཕྲིལ་ཕྲིལ་གནས་པ་ནི་གཉིད་ལོག་མ་ལོག་དབྱེར་མེད་པ་ཞེས་བྱའོ། །དེ་ཙམ་ན་སྒྱུ་མ་ལ་མངོན་སུམ་དུ་ཡིད་ཆེས་པས། གྲོང་འཇུག་གི་ལས་
1-4-39a

གྲུབ་པ་ཡིན་ནོ། །ཆུ་སྐྱར་གྱི་སྒྲོ་དང་། རྨ་བྱའི་ཁྲག་དང་། ལྷང་[ལྷང་མ་ལྷང་འཚེར་ལ་རྨ་བྱའི་ཁྲག་གིས་ལྷའི་སྐུ་སོགས་བྲིས་ནས། ཏི་ཕོར་ནང་དུ་ཆུ་སླུགས་(བླུགས་)ནས་དེའི་ནང་དུ་ལྷའི་སྐུ་དེ་འཆར་པ་ལ་
བདེན་མེད་དུ་སྦྱང་ངོ་། །]མ་ལྷང་འཚེར་ལ་སོགས་པ་ཡང་གསང་དབང་གི་དུས་སུ་[རྗེ་བཙུན་ཆེན་པོ་མིད་ལའི་ཞལ་ནས། འཁོར་འདས་ཀྱི་ཆོས་ཐམས་ཅད་བདེན་མེད་དུ་ཤེས་ནས་སྒྱུ་མ་ལྟ་བུར་འཆར་ན། སྒྱུ་ལུས་ཀྱི་ཉམས་ཤར་བའོ། །སྣང་
སེམས་ཐམས་ཅད་དངོས་པོ་དང་མཚན་མས་མ་གོས་པར་ཆོས་སྐུར་ཤར་བ་ལ་ཞེན་པ་མེད་ན་སྒྱུ་ལུས་ཀྱི་རྟོག་པ་ཤར་བའོ། །ཞེས་གསུངས་སོ། །]སྒྱུ་ལུས་ངོ་སྤྲད་པ་ལ་གལ་ཆེ་སྟེ། གནད་འཁྲུལ་ཤེས་སུ་ཉམས་སུ་ལོང་
ཞིག །ཡང་ན་འདི་ལྟར་བྱས་སྟེ། ལྟད་མོ་ཆེན་པོའམ་ཁྲོམ་ཆེན་པོར་ཕྱིན་ལ། འདི་རྣམས་ཀྱི་འདོད་ཆགས་ཆེ་ལུགས་ལ་ཞེས་འོ་དོད་འབོད། ཞེ་སྡང་ལ་གཏི་མུག་ལ་ཞེས་བོས་ཀྱང་མི་དགའ་
བའི་སེམས་མི་འབྱུང་ཏེ(སྟེ)། འདི་རྣམས་ཀྱི་མཚར་ལུགས་ལ། གསོལ་ལུགས་ལ། དགའ་བའི་སེམས་མི་འབྱུང་སྟེ། སྒྱུ་མ་དངོས་སུ་བལྟའོ། །འཁྲུག་པ་ཆེན་པོའི་ཁྲོམ་ཆེན་པོའི་སར་ཕྱིན་
ལ། འདི་རྣམས་ཀྱི་ཞེ་སྡང་ལ་ང་རྒྱལ་ལ། ཕྲག་དོག་ལ། ཞེས་སྨྲས་བས་ཁོང་ལ་མི་དགའ་བ་མི་འབྱུང་བས། ཚིག་ལ་ཐ་དད་མེད་དེ་དོན་ལ་ཁྱད་ཡོད་པའི་ཕྱིར་རོ། །རང་དང་སྣང་བ་ཐ་དད་དུ་མི་
1-4-39b

དབྱེ་ཞིང་། ཤེས་པའི་གཏིང་དུ་གཟེར་ཐེབས་པ་ཅིག་གིས་སྣང་བ་འདི་ལ་ལག་བཅུག་སྟེ་བསྒོམ་པ་ཡིན་ནོ། །སྒྱུ་ལུས་ཀྱི་མན་ངག་པུ་ལ་ཧ་རིའི་ན་རོ་ལ་ལས་རྙེད་པའོ། །[སྒྱུ་ལུས་འདི་ནི་ཕ་རྒྱུད་གསང་བ་འདུས་
པ། མ་རྒྱུད་སྒྱུ་མ་ཆེན་མོ་སོགས་ཀྱི་དོན་ཡིན་ནོ། །]ཨྠིྀ། གྷུ་རྒྱཿ ཿ༄། །རྨི་ལམ་ཕྲག་དོག་རྡོ་རྗེའི་ཤོག་རིལ་བཞུགས་སོ། །ཨུ་རྒྱན་གྱི་གདམས་པ་མཁའ་འགྲོ་བ་ཐམས་ཅད་ཀྱི་ཡང་སྙིང་། རྒྱུད་ཐམས་
ཅད་ཀྱི་སྙིང་པོ་བསྡུས་པ། གསེར་ཞུན་དྲིལ་བ་ལྟ་བུའི་མན་ངག །དེ་ཡང་རྒྱུད་དགྱེས་པ་རྡོ་རྗེའི་གཞུང་ལས། དང་པོ་སྤྲིན་དང་འདྲ་བ་སྟེ། །གཉིས་པ་སྒྱུ་མར་ལྟ་བུར་འགྱུར། །ཉལ་དང་ལོག་པའི་
ཁྱད་པར་གྱིས། །སད་ལས་བྱེ་བྲག་གཞན་མེད་པར། །ཅེས་(ཞེས་)དང་། དཔལ་ན་རོ་ཆེན་པོའི་བཞེད་ཀྱིས། ཁམས་གསུམ་སེམས་ཅན་ཐམས་ཅད་ནི། །སྐྱེ་ཤི་བར་དོར་སྣང་བ་འཁྲུལ། །རྨི་ལམ་
བར་དོར་བག་ཆགས་འཁྲུལ། །སྲིད་པ་བར་དོར་ལས་ཀྱིས་འཁྲུལ། །སྲིད་པ་གསུམ་དུ་འཁོར་བར་འཁྱམ། །ད་ནི་དེ་ལས་བཟློག་པར་བྱ། །ཅེས་(ཞེས་)དང་། ཡང་། རྨི་ལམ་དུས་ཀྱི་ཤེས་པ་དེ། །
མགྲིན་པ་གནད་ཀྱི་ས་བོན་ཅན། །ཞེས་པས། དེ་ལ་རྩ་རྡོ་རྗེ་ཐོད་སྦྱོར་གྱི་མན་ངག །རླུང་རྡོ་རྗེ་ཐོད་སྦྱོར་གྱི་མན་ངག །ཐིག་ལེ་རྡོ་རྗེ་ཐོད་སྦྱོར་གྱི་མན་ངག་གསུམ་གྱིས་བསྟོན་(བསྟན་)པས། རྒྱལ་པོ་
1-4-40a

མཆོག་གསུམ་དེ་རབ་མཆོད། །མན་ཏྲ་ཨ་ས་ང་ལ་དྲིས། །ཞེས་པས། དཀྱིལ་འཁོར་རྒྱལ་མཆོག་ལྷ་རྒྱལ་མཆོག །སྔགས་ཀྱི་རྒྱལ་མཆོག་གསུམ་པ་ཡིན། །ཡང་
དག་རྫོགས་པའི་སངས་རྒྱས་ཀྱི། །ཞིང་ཁམས་གཅིག་ན་སྡེ་པ་གཅིག །མང་པོས་བཀུར་བ་ཡིན་པར་གྲགས། །མགྲིན་པ་མང་པོས་བཀུར་བས་ན། །མང་པོས་བཀུར་བ་ཞེས་བྱ་བའོ། །དཀྱིལ་འཁོར་
འཁོར་ལོའི་དབུས་ན་ནི། །པདྨ་དམར་པོ་དབང་བཞི་ལ། །སྣང་བ་མཐའ་ཡས་མཐེབ་བོང་ཙམ། །དེའི་མགྲིན་པའི་དབུས་ཉིད་དུ། །ཐིག་ལེ་དམར་པོ་ཡུངས་དཀར་ཙམ། །དེ་ལ་དམིགས་པ་གསལ་
བ་གཅིག །ཉིན་མོའི་དུས་སུ་བསྒོམ་པ་གཅེས། །ངག་ཏུ་ཨ་ནུ་ཏ་ར་ཨོཾ། །ཅི་ནུས་བསྙེན་པ་བྱ་བ་དང་། །ཕྱི་ནང་སྣོད་བཅུད་མ་ལུས་པ། །སྣང་བ་མཐའ་ཡས་ཞིང་ཁམས་སུ། །དྲན་འདུན་དྲག་
པོ་ཡང་དང་ཡང་། །མདུན་མ་བཅུ་དྲུག་བསྐྱེད་པར་བྱ། །རང་ཉིད་ཡི་དམ་ལྷར་བསྒོམས་པའི། །སྤྱི་བོའི་གཙུག་ཏུ་བླ་མ་རྣམས། །བསྒོམས་ལ་གསོལ་བ་དྲག་ཏུ་གདབ། །མང་པོས་བཀུར་
བའི་གཉེར་རེས་ལ། །ཐུན་ཚོད་ནུབ་ཏུ་ཕྱོགས་པའི་དུས། །དང་པོ་མེ་རླུང་རྒྱུ་དུས་སུ། །མགོ་བོ་ནུབ་ཕྱོགས་དག་ཏུ་བསྟན། །ངོས་ནི་གཡས་པ་འོག་ཏུ་བཞུག །དོ་ནུབ་རྨི་ལམ་རྨིས་པ་ན། །རྨི་
1-4-40b

ལམ་དུ་ནི་ངོ་ཤེས་པའི། །ཤེས་པ་གཏིང་དུ་གཟེར་བཏབ་ལ། །ནུབ་ཀྱི་པདྨའི་འདབ་མ་ལ། །ཡི་གེ་དམར་པོ་ཏ་བསམས་ཏེ། །དེ་ལ་དམིགས་པ་གཏད་ལ་ཉལ། །ས་ནི་སྲོས་ནས་ནམ་ཕྱེད་བར། །
པདྨ་མགོན་པོའི་ཞིང་ཁམས་ཡིན། །མང་པོས་བསྐུར་བའི་ཆོས་དཔོན་དང་། །གནས་བརྟན་བཞི་ཡིས་མདུན་མ་བྱེད། །དེ་དུས་རང་ཉིད་བསྒྲུབ་(སྒྲུབ་)པ་པོའི། །ཐེ་ཚོམ་སྤྲོས་པ་མ་ཆོད་ན། །གདམས་པ་
ཆོས་དཔོན་ཉིད་ལ་ཞུ། །མདུན་མ་གནས་བརྟན་བཞི་ཡིས་ཤེས། །བཤེས་མེད་ཕྱོགས་ཀྱི་མགྲོན་པོ་ལ། །གཟའ་མི་སུམ་བརྒྱ་ཉི་ཤུ་དང་། །སྟོང་པོ་ཅིག་གི་གཉེར་རེས་ཡིན། །ཡི་གེ་ཏའི་རྟེན་
འབྲེལ་གྱིས། །ལུས་པོ་མེ་ཡིས་ཚིག་པ་འབྱུང་། །ཡི་གེ་ཨ་ལས་ཆུ་འབྱུང་ཞིང་། །ལྷོ་བྱང་ཡི་གེ་གཉིས་པོ་ལ། །རྦབ་དང་རླུང་དམར་འབྱུང་བ་ཡིན། །དེ་ལ་ངན་པར་མི་བལྟ་སྟེ། །མགོན་པོ་བཞི་
ཡི་བྱིན་བརླབས་ཡིན། །ཁྱི་ཡིས་བཟུང་དང་དགྲ་ཡིས་དེད། །ཆོ་འཕྲུལ་མང་པོ་བྱུང་བ་ན། །དེ་ནི་ཟིན་དུ་འགྲོ་བའི་རྟགས། །དེ་ལྟར་ཞག་གྲངས་བདུན་བདུན་བསྒོམས། །དེས་ཀྱང་ཟིན་པར་མ་གྱུར་
ན། །འདས་དང་མ་འོངས་ད་ལྟར་གྱིས། །ཉིན་པར་མཐོང་ཐོས་ལ་སོགས་པ། །ཅིར་སྣང་རྨི་ལམ་ཡིན་སྙམ་དུ། །ཡང་དང་ཡང་དུ་བསམ་པར་བྱ། །ངག་ཏུ་རྨི་ལམ་སྒྱུ་མ་ཡིན། །ཅེས་པ་ཞག་
1-4-41a

བདུན་བར་དུ་བཟླས། །ཡང་ན་ངག་ཏུ་ཧཱུཾ་བགྲང་ཞིང་། །རྨི་ལམ་ཡིན་ནོ་སྙམ་དུ་བསམ། །ཐོ་རངས་སྨིན་མཚམས་ཧམ་ལ་གཏད། །དྲན་པ་བདུན་པ་དུང་ངེ་བྱ། །དད་
པ་བར་ཆད་མེད་པ་དང་། །སྒྲུབ་པ་བར་ཆད་མེད་པ་ཡིས། །མྱུར་དུ་རྨི་ལམ་ཟིན་པར་བྱ། །དེ་ནས་རྨི་ལམ་ཟིན་པ་ན། །དང་པོ་སྤེལ་ཞིང་སྦྱངས་པ་དང་། །ཡང་དང་ཡང་ཞིང་སྒྱུ་མར་བསླབ། །
དེ་ལ་དང་པོ་སྤེལ་བ་ནི། །སངས་རྒྱས་ཞིང་ཁམས་གཅིག་ཉིད་ལས། །ཞིང་ཁམས་མང་པོར་སྤེལ་བ་ཡིན། །ཤར་ཕྱོགས་མངོན་དགའི་ཞིང་དེ་རུ། །བཅོམ་ལྡན་མི་བསྐྱོད་མགོན་པོ་ལ། །དམ་
ཆོས་ཞུ་བར་འདོད་པ་ན། །མདུན་གྱིས་ཨ་དེར་དམིགས་ལ་ཉལ། །ནུ་ཉིད་རིན་ཆེན་འབྱུང་ལྡན་ཏེ། །ཏ་ནི་པདྨ་མགོན་པོ་ཡིན། །ར་ནི་ལས་ཀྱི་མགོན་པོའོ། །བསྒོམ་པའི་མན་ངག་གོང་དང་
མཚུངས། །སྦྱང་བའི་མན་ངག་འོག་ནས་འབྱུང་། །དེ་ནས་ཡང་སྤང་བ་སྟེ། །ཆུ་བོ་ཆེན་པོ་མཐོང་བ་ན། །འདི་ནི་མི་བསྐྱོད་རྡོ་རྗེ་ཡིན། །སུ་ཞིག་འཇིགས་པར་བྱེད། །སྙམ་དུ་བསམས་ནས་
མཆོང་བ་ཡིན། །མེ་ཡི་པདྨ་མགོན་པོ་ལ། །རླུང་དམར་ལས་ཀྱི་མགོན་པོ་ཡིན། །ངམ་གྲོག་གཡང་ས་རིན་འབྱུང་སྟེ། །སྤྲུལ་པ་ཉིད་དུ་འདོད་པས་ན། །དེ་ལ་འཇིགས་པ་ག་ལ་སྐྱེ། །ཁྱི་དང་
1-4-41b

དགྲ་ཡི་འཇིགས་པ་ཡང་། །བྱང་ཆུབ་སེམས་དཔའ་ལ་སོགས་ཀྱིས། །རྣམ་འཕྲུལ་དེ་ལྟར་ཤར་བ་ཡིན། །དེ་ལ་བདག་ཉིད་འཇིགས་པ་ན། །སངས་རྒྱས་བྱང་ཆུབ་སེམས་སོགས་ལ། །བདག་ཉིད་
འཇིགས་པ་ཅི་ཞིག་ལང་། །བདག་དང་བླུན་པོའི་བྱོལ་སོང་གཉིས། །ཁྱད་པར་མེད་དུ་ཡི་མུག་བསྒོམ། །སྣང་སྲིད་རྨི་ལམ་ཡིན་པ་ལ། །ཇི་ལྟར་བྱས་ཀྱང་བཏུབ་པ་ཡིན། །ཇི་ལྟར་བསམས་ཀྱང་
འགྲུབ་པ་ཡིན། །ཕྱིན་པས་མིག་རྟོལ་ཅང་སྲིད་དམ། །དེ་ལྟར་བསམ་ཞིང་ཟླ་ཕྱེད་བསྒོམ། །མ་གཉིས་དུས་སུ་ཆུ་བོ་ནི། །པུས་མོ་ནུབ་ཙམ་རྒལ་བ་ལ། །ཡང་དང་ཡང་དུ་བསམ་པར་བྱ། །མེ་
རླུང་ས་ཡང་དེ་དང་མཚུངས། །ད་ནི་སྒྱུ་མར་བསླབ་དགོས་པས། །ཉི་ཟླ་གཉིས་ཀྱི་འོད་ཟེར་ལས། །འཇུས་ལ་ཉི་ཟླའི་སྟེང་དུ་བསྡད། །རྩ་གསུམ་ལ་སོགས་ལྷ་གནས་བལྟ། །མགོན་པོ་བྱམས་
པའི་མདུན་ཉིད་དུ། །ཐལ་སྦྱར་ལ་སོགས་མདུན་བརྡར་ཏེ། །མདོ་སྡེའི་དགོངས་པ་མ་ལུས་དྲིས། །ལྷ་ཡི་དབང་པོ་བརྒྱ་བྱིན་གྱི། །ཁང་བཟང་ལེགས་མོར་བལྟ་བ་དང་། །རྡོ་རྗེ་འཆང་གི་ཞབས་
དྲུང་དུ། །ཨར་མོ་ལི་ཀའི་རྡོ་ལེབ་བལྟ། །དེ་སོགས་རྫུ་འཕྲུལ་མང་པོ་བྱ། །མཁའ་ལ་སྤྱོད་དང་ས་ལ་སྤྱོད། །ས་འོག་ལ་སོགས་གནས་རྣམས་སུ། །སྐད་ཅིག་ཅིག་ལ་ཕྱིན་འགྱུར་ཏེ། །སྣང་
1-4-42a

སྲིད་སྒྱུ་མར་རྟོགས་པས་སུ། །སྒྱུ་མའི་ཆོ་འཕྲུལ་འབྱུང་བ་ཡིན། །ཨུ་རྒྱན་གནས་དང་རྡོ་རྗེའི་གདན། །ངོ་མཚར་ཆེ་བའི་གནས་རྣམས་སུ། །སྐད་ཅིག་ཉིད་ལ་
ཕྱིན་གྱུར་ཏེ། །མཆོད་པ་སྣ་ཚོགས་འབུལ་བ་ཡིན། །དེའི་རྗེས་ལ་སྦྱང་བའོ། །དེ་ནི་མན་ངག་འདི་བཞིན་བསྒྲུབ། །མངོན་པར་དགའ་བའི་ཞིང་ཁམས་སུ། །རང་ཉིད་རྡོ་རྗེ་སེམས་དཔར་བསྒོམ། །
ཞིང་ཁམས་དེ་ཡི་སེམས་ཅན་ལ། །སྣང་ལ་རང་བཞིན་མེད་པ་ཡི། །ཆོས་རྣམས་གཟུགས་བརྙན་ལྟ་བུར་བཤད། །མེ་ལོང་ལྟ་བུའི་ཡེ་ཤེས་ཀྱིས། །ཐམས་ཅད་བདེ་ལ་བཀོད་ནས་སུ། །
ཞིང་ཁམས་གཞན་དུ་གཤེགས་པ་ཡིན། །དེ་ལ་བདེ་བར་གཤེགས་པ་ཟེར། །[ཕྱི་ནང་གསང་བ་དེ་ཁོ་ན་ཉིད་ཀྱིས་བདེ་གཤེགས་ནི། ཚོགས་གཉིས་ཀྱི་ལམ་བདེ་བ་ནས་བདེ་བར་གཤེགས་པ་ཕྱིའི་བདེ་གཤེགས་དང་། རྩ་དབུ་
མའི་ལམ་བདེ་བ་ནས་བདེ་བར་གཤེགས་པ་ནང་དང་། ཡུམ་གྱི་མཁའ་བདེ་བ་ནས་བདེ་བར་གཤེགས་པ་གསང་བ་དང་། ཆོས་ཉིད་ཀྱི་ལམ་དེ་ཁོ་ནས་བདེ་བར་གཤེགས་པ་དེ་ཁོ་ན་ཉིད་ཀྱི་བདེ་གཤེགས་སོ། །]དཔལ་དང་ལྡན་
པའི་ཞིང་ཁམས་སུ། །རང་རེ་རིན་འབྱུང་ཉིད་དུ་བསྒོམ། །ཞིང་ཁམས་དེ་ཡི་སེམས་ཅན་ལ། །མཐོ་དམའ་བདེ་སྡུག་ལ་སོགས་པ། །རོ་མཉམ་གཅིག་ཏུ་བཤད་ལ་བཞག །མཉམ་པ་
1-4-42b

ཉིད་ཀྱི་ཡེ་ཤེས་ཀྱིས། །ཐམས་ཅད་བདེ་ལ་བཀོད་ལ་བཞག །པདྨ་ཅན་གྱི་ཞིང་ཁམས་སུ། །རང་ཉིད་པདྨ་མགོན་པོར་བསྒོམ། །དེ་ན་གནས་པའི་སེམས་ཅན་ལ། །སེམས་ཉིད་སྤྲོས་དང་བྲལ་བར་
བསྟན། །ཡུལ་ལྔ་སོ་སོར་རྟོགས་པ་ཡི། །ཡེ་ཤེས་ཡིན་ཞེས་དམ་ཆོས་བཤད། །དེ་རྣམས་བདེ་ལ་བཀོད་ནས་སུ། །རྔ་སྒྲ་ཅན་དུ་གཤེགས་པ་ཡིན། །རང་ཉིད་ལས་ཀྱི་མགོན་པོར་བསྒོམ། །དེ་
ན་གནས་པའི་སེམས་ཅན་ལ། །སེམས་ཉིད་གཏན་ནས་མ་གྲུབ་པས། །བྱས་པས་གྲུབ་པ་མིན་ཞེས་བཤད། །བྱ་བ་གྲུབ་པའི་ཡེ་ཤེས་ཀྱིས། །སེམས་ཅན་དཔག་མེད་བདེ་ལ་བཀོད། །ཞིང་
ཁམས་གཞན་ཡང་དེ་ལྟར་སྦྱར། །ཉིན་པར་དམ་ཆོས་བཤད་པ་དང་། །མཚན་མོའི་དུས་ཀྱི་རྨི་ལམ་ན། །གཞན་ལ་དམ་ཆོས་བཤད་པ་གཉིས། །སེམས་ཀྱིས་གཉིས་སུ་བཏགས་པ་ལས། །
[སྡུག་པ་(སྟུག་པོ་)བཀོད་པའི་ཞིང་ཁམས་སུ། །རང་ཉིད་རྣམ་སྣང་མཛད་དུ་བསྒོམ། །ཞིང་ཁམས་དེའི་སེམས་ཅན་ལ། །ཆོས་ཀུན་གདོད་ནས་རྣམ་དག་པས། །གཟུང་འཛིན་དྲི་མ་མེད་པ་ཡིས། །སེམས་ཅན་དཔག་མེད་བདེ་ལ་བཀོད། །]རང་གཞན་
དོན་ལ་ཁྱད་པར་མེད། །གཞན་ལ་ཕན་པའི་དངོས་པོ་ཡང་། །རྒྱུ་འབྲས་ཚུལ་གྱིས་དེ་ལྟར་བཏགས། །དེ་ནི་སྦྱང་པའི་དགོས་པའོ། །སྔར་གྱི་སྒྱུ་མར་སློབ་དུས་སུ། །ཉི་ཟླའི་སྟེང་དུ་རང་ཉིད་ཀྱིས། །
1-4-43a

གནས་པའི་ནུས་པ་མ་བྱུང་ན། །འཁོར་ལོའི་དབུས་ཀྱི་ཉི་ཟླ་གཉིས། །ཉལ་ཁར་རྡོག་པའི་འོག་དུ་(ཏུ་)མནན། །མཁའ་ལ་འཕུར་བར་མ་ནུས་ན། །ནང་ན་གནས་པའི་ནམ་མཁའ་
ལ། །ཡི་གེ་ཧཱུཾ་གི་རྩལ་སྦྱོང་བྱ། །མེ་ལ་མཆོད་པར་མ་ནུས་ན། །ཡི་གེ་ཏ་ཡིས་རང་ལུས་བསྲེག །ཆུ་ལ་ཉམས་ང་བྱུང་བའི་ཚེ། །ཆུ་ཡི་གློ་ལ་རྨི་ལམ་བཟུང་། །གཡང་ལ་མཆོང་པར་མ་ནུས་ན། །གད་
པའི་ཕུགས་སུ་རྩལ་སྦྱོང་བྱ། །ཉི་ཟླ་གཉིས་ཀྱི་འོད་ཟེར་ལ། །འཇུ་བར་མ་ནུས་རང་ཉིད་ཀྱི། །ལག་པའི་མཐིལ་དུ་ཉི་ཟླ་གཉིས། །གཡས་སུ་ཟླ་བ་གཡོན་ཉི་མ། །གསལ་བར་བསྒོམས་པས་ཟིན་
པར་འཁྱུར། །ཞིང་ཁམས་ལྟ་བར་མི་ནུས་ནས། །པདྨ་འདབ་བཞིའི་འཁོར་ལོ་ཚོ། །ཡི་གེ་འཁོར་ལོའི་ཚུལ་དུ་བསྐོར། །རྡོ་རྗེ་འཆང་གི་ཞབས་དྲུང་དུ། །དམ་ཆོས་ཞུ་བར་མ་ནུས་ན། །གནས་པ་རྩ་གསུམ་
འདུས་པའི་སར། །འཐེབ་གང་མ་ཡི་མན་ངག་བྱ། །རྗེ་བཙུན་མ་ཡི་ཚོགས་དབུས་སུ། །རང་ཉིད་གནས་པར་ནུས་འདོད་ན། །ལུས་ལ་གནས་པའི་རྗེ་བཙུན་མའི། །བྷ་གར་རྗེས་ཆགས་དམིགས་
ལ་ཉལ། །ཚོགས་དང་གཏོར་མ་རམ་དུ་བྱ། །དེ་ཁོ་ན་ཉིད་ལ་གནས་འདོད་ན། །མཆོད་ཁང་སྒོ་ཡི་ཡ་ཕིགས་ལ། །ནམ་མཁའ་སྔོན་པོ་གྲུ་གསུམ་ཡོད། །དེ་ལ་དམིགས་ལ་མི་རྟོག་བསྒོམ། །ལུས་
1-4-43b

སེམས་བགས་ཀྱིས་དལ་བ་དང་། །སེམས་ཉིད་སྤྲོས་དང་བྲལ་བ་ལ། །གོང་ནས་རྒྱུན་དུ་བསྒོམ་པ་གཅེས། །མ་ནོར་ལམ་མཆོག་འདི་ཉིད་ཡིན། །གོང་གི་དམིགས་པ་དུ་མ་རྣམས། །ལམ་གྱི་རྩལ་
སྦྱོང་བྱ་བར་འདོད། །རྨི་ལམ་རྨིས་པ་ཐམས་ཅད་ལ། །སྐྱེ་མེད་རྒྱ་ཡིས་ཐེབས་པ་ན། །ཆོས་རྣམས་མ་ལུས་ཐམས་ཅད་ཀུན། །སྟན་ཐོག་གཅིག་ཏུ་བསྒོམ་ནུས་པའི། །མན་ངག་ཟབ་མོ་འདི་ན་
ཡོད། །རྨི་ལམ་དུས་ཀྱི་སྣང་བ་དེ། །བར་དོའི་སྔོན་དུ་འགྲོ་བས་ན། །རྩལ་སྦྱོང་བར་དོའི་དུས་སུ་བྱེད། །ཉིན་པར་སྒྱུ་ལུས་བསྒོམ་པ་དེ། །རྨི་ལམ་གྱི་ནི་སྔོན་འགྲོ་ཡིན། །རྩལ་སྦྱོང་རྨི་ལམ་དུས་སུ་
བྱེད། །[ཡེ་ཤེས་རྒྱ་མཚོའི་རྒྱུད་ཕྱི་མ་ལས། རྨི་ལམ་ནུབ་གཅིག་ཟིན་གྱུར་ན། །རྣལ་འབྱོར་ཟླ་ཕྱེད་བར་དུ་བདེ། །ལྷ་ཀླུ་དྲི་ཟས་མཆོད་ཅིང་བསྟོད། །དཔའ་བོ་མཁའ་འགྲོ་དངོས་སུ་འདུ། །ངན་སོང་མཆི་ལས་སྒྲོལ་བའི་གྲུང་(གྲུ)། །ཅེས་(ཞེས་)གསུངས་
པས། རྨི་ལམ་གྱི་འཛིན་སྦྱོང་སྤྲུལ་སྒྱུར་སོགས་འབྱོངས་ན་ཕན་ཡོན་དཔག་ཏུ་མེད་པར་གསུངས་སོ། །]རྨི་ལམ་དུས་ཀྱི་སྣང་བ་ལ། །སྐྱེ་མེད་རྒྱ་ཡིས་ཐེབས་པ་ན། །རྨི་ལམ་འོད་གསལ་འཕོ་ནུས་པས། །དག་པ་ཆོས་
ཉིད་བར་དོ་ཡིན། །དཔལ་ན་རོ་པ་ཆེན་པོའི་བཞེད་པ་ཡིས། །རྨི་ལམ་དུས་ཀྱི་ཤེས་པ་དེ། །བར་དོའི་ཤེས་པར་བསྲེད་དགོས་ཏེ། །རྨི་ལམ་[ཉིན་མཚན་བར་དོར་རྒྱས་འདེབས་དང་། །བདེ་གསལ་མི་རྟོག་
1-4-44a

ལམ་འཁྱེར་དང་། །ཐོད་རྒལ་སྤེལ་མའི་ཏིང་འཛིན་གསུམ། །བསྲེག་གསུམ་གྱི་མན་ངག་ཡིན། །ཅེས་གསུངས་སོ། །]བར་དོ་བསྲེ་འཕོའི་གནད། །ལོངས་སྤྱོད་རྫོགས་སྐུའི་ངོ་བོ་ཅན། །སོ་
སོར་མ་བྱེད་གཅིག་ཏུ་ཁྱེར། །ཉིན་པར་ལམ་གྱི་དུས་ཉིད་དུ། །ཕྱི་རོལ་སྣང་བ་དཀར་དམར་དང་། །ཡུལ་གྱི་དངོས་པོ་མ་ལུས་ཀུན། །རྨི་ལམ་བཞིན་དུ་བློས་ཆོད་ན། །རྨི་ལམ་དུས་ཀྱི་ཤེས་པ་རྣམས། །
བློ་བྲལ་ཉིད་དུ་འགྱུར་བ་ཡིན། །བྱ་བ་བྱེད་དང་མི་བྱེད་པར། །དུས་ནི་རྣམ་པ་ཐམས་ཅད་དུ། །དྲན་དང་འདུན་པ་མ་བྲལ་ན། །བསམ་གཏན་གཉིད་ཀྱིས་འཚོ་བར་འགྱུར། །ཆོས་རྣམས་དྲན་པས་ཟིན་
པ་གཅེས། །ལམ་ལ་བར་ཆད་མི་འབྱུང་ཞིང་། །ངེས་པར་སངས་རྒྱས་ཉིད་དུ་འགྱུར། །ལར་ནི་རྣམ་པར་ཐམས་ཅད་དུ། །རྨི་ལམ་ཟིན་པར་མ་ནུས་ཤིང་། །བརྟན་པ་ཐོབ་པར་མ་ནུས་ན། །ལུས་ནི་
གཅེར་བུར་བྱས་ནས་སུ། །ལུང་སྟོང་ཕྱིན་ལ་འོ་དོད་འབོད། །བྱང་ཐང་ལུས་པའི་སྲོག་བཞིན་དུ། །ཡིད་ཀྱིས་སྐྱོ་བས་དྲག་པོ་བྱ། །ལུས་ནི་ཕྱི་ནང་བཟློག་བྱས་ལ། །དོན་སྙིང་ཕྱི་རུ་ཕྲལ་ལེ་
བསམ། །དེ་ཡིས་མགྲིན་པའི་དབུས་ཉིད་དུ། །ཡི་གེ་མ་ལ་དྲག་ཏུ་གཅུན། །རྭ་དུང་ཕྱོགས་བཞིར་འབུད་པ་དང་། །སྐབས་སུ་སྨྱོན་པའི་བརྟུལ་ཤུགས་(ཞུགས་)བྱ། །ཡིད་ལ་བཅགས་པའི་རྫས་རྣམས་
1-4-44b

ཀུན། །རྨི་ལམ་དུས་སུ་འབྱུང་བ་བཞིན། །རྟག་ཏུ་དགོས་པའི་ནོར་མཆོག་འདི། །རྨི་ལམ་དུས་སུ་ཅིས་མི་ཟིན། །སངས་རྒྱས་དགོངས་པ་རང་ལ་གནས། །སྙིང་པོའི་དོན་བསྡུས་མན་ངག་འདི། །མཁའ་
འགྲོ་རྣམས་ཀྱིས་བཀའ་ནན་བྱས། །གཞན་ལ་མ་སྤེལ་སྦས་པའོ། །ཨྠིྀ།། །།གྱུ་ཧྱཿ ཿ


目录
སྒྱུ་ལུས་ང་རྒྱལ་རྡོ་རྗེའི་ཤོག་རིལ།